يوميات شاب مشربش من نيلها (2)

(الفصل الثاني)

( الوظيفة)

 

في اليوم التالي قررت أن أبحث عن عمل حتى ارضي الحجة التي أكثرت النقر فوق رأسي كنقار الخشب الذي ينقر الحديد . .و بما أني خريج كلية التجارة كان تركيزي الأكبر في البحث على الشركات و المؤسسات الأقتصادية و التجارية .

و في أحدى الشركات التي غلب جمال موظفاتها عليها ، دخلت و عيناي تمعن النظر بكل نساء العالم . . موديلز منهم و الأموات . أتجهت لعاملة الإستعلامات . .

-      - أنا كنت بسأل يعني في أرقام خالية . .

-       -نعم . . ( بحاجب مرفوع)

-       -قصدي يعني في وظايف خالية

-       -أه . . للأسف لأ ( بحنيه)

-       -يالهوي (في سري ) . . طيب ممكن احط الــ CV حتلاقي فيه رقم التلفون و كده . .

-       -طيب . . ممكن حضرتك تسيب الــ CV وهديه للــ HR

-       HR-  . . طيب

-       -صحيح أحنا عندنا وظيفه بس دي للبنات بس

-       -وظيفة أية يمكن تنفع

-       -سكرتير

-      جه في بالي ع طول تمثلية السكرتير اللي شغالة على احدى القنوات الأجنبية ،  أنا قولت للحجة بلاش القميص البنفسجي دة أيه أفتكرتني بطل المسلسل.

-     -  لا يا ستي  الله الغني

-      - طب تعرف لغات

-لقتني فجأه أتحولت لم اللمبي . .

-       -كان على عيني

-       -تعرف كمبيوتر و طباعة و كده . .

-       -أه ما قولكيش عندي عشرين جروب على الفيس و بكتب SMS في ثواني لكل البنات..قصدي لكل الأرقام اللي عندي.

-       -تعرف Excell or word

-       -آه Word  خدناه مع استاذ الفيزياء اللي كان بيدينا إنجليزي معناها كلمه ، و Excell دة بصراحة لأ معلوماتي العامة قليله . .

-     -  طب روح ادرس لغات و كمبيوتر و بعدين تعالى قدم عندنا . . عدت للمنزل كما يقولون قفاي يأمر عيش و للأسف كان فاضي (حاف يعني ، نظرت لمرآتي لأتأمل الجرد الذي كان يقف أمامها ..

-       ياه دا انا جاهل قوي . . شكله أضحك عليا في المدرسه و كانو بيفهمونا اننا اللي مبنفهمش المادة طلعوا هما اللي مش فاهمين . . طيب الحل أيه . . أه أدرس و ماله يا خويا . .

قررت التحدث مع الحج و لكن في الحقيقة كنت اخاف منه ، فعندما يغضب يلوح بيديه في كل الأتجاهات التي أتواجد فيها لعلها تصيبني ، كما تصيب الذبابه في مقتل . لم اكن احتاج وقتها الى المزيد من العاهات و بين العاهات و شبشب الحجه أختارت الشبشب، و توجهت إليها للتحدث معها و منعاً للوقع في الأزمات أخذت مقياس السكر معي .

-      - حجه . . حجوج

-    -   عايز اية يا منيل ( منيل في قاموسي اللغوي تترجم الميم (مشربتش) و نيل (من نيلها) أمي دي شكلها بتسمع اغاني وطنية كتير (في عقل بالي)

-       -عايز أدرس

-       -أمال كنت بتنيل ايه السنين اللي فاتت

-       -أقولها أيه دي . . كنت بروح اكنس المدرسة

تذكرت وقتها مسرحية العيال كبرت عندما كان سلطان يذهب للمدرسة و يرن الجرس و يدرس للنفسه . فكتمت أفكار العيال خاصتي و قلت في صوت أقرب (للسهتنه) . .

-       -يا حجة أدنيا أتغيرت . . بقا في كمبيوتر و لغات و كدة

-       -لخص . . مين اللي حيدفع . .

-       -الحج يا حجوجة يا جميلة

-      - أنسى

-       -( و بلؤم كدة ) دة كان حيساعدني أشتغل.. يا خسارة خليني مشرف عندكم باه و أسيب الوظيفة تروح من أيدي 

-       -أيه شغل . . وظيفة . .

-       -أيه ده يا حجة أنتي نورتي زي شجرة عيد الميلاد اللي في امريكا كدة لية

-       -شغل اية قولي . .

-       -مفيش وظيفة كدة طالبين فيها واحد بيعرف كمبيوتر و لغات . .

-       -أمال قعدت كل يوم الكمبيوتر و فواتير النت اللي بندفعها دي ايه . .

-       -يا حجة دي حاجة مختلفة خالص . .

-       -قُصرُ . . عايز كام يا منيل

-       -تاني منيل . . مش حتبطلي تسمعي بأة اغاني وطنية خليكي في الرومانسي والكليبات بأه . .

-       -الكليبات دي خليها ليك و للي زيك من الصُياع . .

-       -أيه صُياع . . انتي بتذاكري معجم الصياعة من ورايا يا حجة

-       -حتتأدب ياله ولا بالشبشب

-       -لأ . . خلاص آهو . . سكتم بكتم . . بس أنتي أديني خمسميايه

-       -يالهوي ليه . . ده انا لو بعتك حتجيب أقل

-       -الدنيا بتغلى يا حجوج . .

-       -خلين أفاتح ابوك و أقولك

-       -( بوست ايدها ) . . تسلميلي يا حجوج  . . بس قوليلي حتكلمية أمتى . .

-       -شوية كدة

-       -آه . . طب أنا خارج بأه . .

-       -مش حتتغدى

-       -لأ . . حتغدى . . بس لما ارجع معايا مشوار مهم . . الوظيفة بأة (بافتخار)

المؤكد هو أنه لا يوجد مشوار و لكني رغبت بالهرب من افتراس والدي لي كالدب الشمال جنوب عند أفتراسه لسمكة فس حوض السمك . . و بقيتُ أدور كالمتشرد و لكن على نضيف حتى قررت العودة ، فأردت التأكد من الجو العام بالمنزل ، فأضطررت للإتصال بأختي العقربة نونو. . و تذكرت مثل الكلب . .

-       -ألو . . نهله

-       -مين عاتشف

-       -أه يا بت امال مين

-       -عايز اية . .

-       -مفيش قولت اطمن عليكي

-       -بتتطمن عليا . . غريبة دة انا 24 أورز معاك . . دة أنت مبتطقش تشوفني أصلاً

-       -خلصيلي الرصيد بأه برغيك .. الجو في البيت عامل أزاي ..

-       -قول كدة بأه ..

و قامت بأغلاق سماعه الهاتف في وجهي . .

-      - يا بنت الـ ....... حوريكي لما اروح

و أمام خيانة اختي لي تاركةً أياي على قارعه الطريق حافي القدمين ، أضطررت للعودة و تحمل مخاطر الهرب من الألغام المنصبه امام غرفتي . فتحت باب المنزل و تسللت كسارق ملابس معفن و ركضت نحو غرفتي و أقفلت الباب بسرعة و أنا أنهك جرياً كمن قطع مسافة 100 كيلو متر وليس مسافة بين باب الشقة و غرفته .

و فجأه (خير اللهم اجعله خير) وجدت الحج الكبير ينتظرني في غرفتي و على سريري . . خيانه . . ماذا؟! . . أين أنا ؟ . .

-       - صحيح اللي سمعتوا ده

-       -لا يا حج و الله أنا مكلمت البت سوسو دي خالص و نهله دي كدابه

-      - سوسو مين يا فاشل . . أنا قصدي الوظيفة

من شدة خوفي أو ربما من شدة كذبي نسيت تماماً موضوع الوظيفة . .

-     -  ووفف . . آه طبعاً يا حج . . و أنا قليل بردو يا حج

نظر لي هكذا فشعرت أني قليل . .

-  -طيب . . خد ال200 جنية دي و روح سجل و بعدين أديك الباقي لما تجبلي الوصل..

-  -حتاخد كمبيلات على أبنك يا أبو نهله . . ده أن ابنك بردو . . فلذه كبدك

- -أنا قصدي على وصل المعهد يا غبي . .

- - آآآآآه . . قول كدة من الصبح يا حج

نظر لي نظرة شخص يشعر بالتقزز من شخص يقوم بتفريغ محتويات معدته امامه و تركني و غادر . .

أغلقت الباب وراءه و أنا أحمد الله على عدم وجود اصابات و أن العمليه كانت سلميه . و رميت نفسي على السرير حتى سمعت صوت الخشب يتكسر كما عظم شخص تحت عجلات سيارة .ومن شدة تعبي و جوعي نمت كالمقتول بالبنفسجي الذي كان ما زال مرتديني .