يوميات شاب مشربش من نيلها (3)

(الفصل الثالث)

( كيس شبسي)

 

اليوم التالي أفقت مفزوعاً من النوم بعدما شعرت أن ظهري قد أحترق من شدة أشعة الشمس التي تتعمد دائماً إيقاظي ، حيث أني هذه المرة تركت النافذة مفتوحة على مصرعيها تحتضن الشمس بالكامل .

-       -( وتمتمت) محدش سأل في الغلبان اللي في الأودة دي حتى . . فين حنان الأم.. يالهوي . .

وضعت فوطتي على ذراعي و قررت الذهاب للحمام  ، و خلال مشيي أمام المرأة رأيت شخص يرتدي بيجامتي . نظرت حولي معتقداً بأن هناك شخصاً معي ، لأكتشف أنه أنا بعد مسح العماص الذي بعيني . .

-       - الله . . يعني اللي قلعني هدومي معرفش يقفل الشباك

-       -بتقول أيه يا متخلف

-       -و لا حاجة يا حجوج . . ده انا بشكر اللي غيرلي هدومي أمبارح . . صباح الفل

-       -أه . . طب تعالي يا خويا أفطر . .

يا للمصيبه!! كيف سمعني ، حيث ان والدي كان سميع بمعنى أن قد تجده فجأه يكرر الكلام الذي قد تهمس به لنفسك حتى . .

-      - يكونش الراجل دة مخاوي و احنا منعرفش.. يالهوي . . لازم أقول لحجوجه لتطلع اللي مخاويها حلوة و يهرب معاها.. ما يمكن يطاع مخاوي هو مش هي ؟ . . لا . . لا.. أستغفر الله العظيم . . حظلمو ليه مفيش هو . . دة أكيد هي .

( بصوت مرتفع ) حجوج تعالي أما أقولك

-       -أية يا منيل عايز اية

-       -معرفتيش أبويا مخاوي وحده حلوة وبيضحك عليكي

-       -يالهوي . . يعني اية يا منيل . . عرفت ازاي

-       -تفسري بأية أنه بيسمع دبع النمل في البيت ده ، دة بيسمع النمله بتوشوش صحبتها بتقولها اية . .

-      - خضتني يا وله . . أبوك لا مخاوي و لا حاجة بس هو زي ما تقول كدة أصمله عليه ذكي . . هو قالي دي فرسة

-       -فرسه . . فرسه اية بس ، هو مدرب خيل . . أسمها فراسه

-       -أيوه هي دي

-       -يا ماما أمال لو مكنتيش خريجة أبتدائي كنتي عملتي فينا ايه

-       -أسكت يا فاشل . . تك  خيبة . . يله نفطر نشفت ريقي عايزة اخد الدوا..

-     -  أتفضلي يا حجة أنتي أسبقيني . . أنا حاروح أطس وشي بشوية ماية نار عشان أفوق و ألحقك عشان أفطر المتفجرات بتاعت كل صباح .

-      - متفجرات ..

-      -  طبعاً هو في أكتر من الفول و الطعمية متفجرات . . ده الواحد بياكلهم من هنا ويمشي مخو سايح ، مش عارف يلقيها منهم و لا من الشمس .. أهو كلو بيسيح.. و الله انا خايف أسيح مره في الشارع و أزحلق الناس .

-       -طب قوم و بطل فلفسة . .

-       -فلفسة . . أمرك يا حجة

كان من الطبيعي بعد ما أخذت المال من الحج أن أذهب لأختار معهد دراسي لأسجل به لأحضر له الوصل ، و لكني شعرت ببعض الكسل ، ففكرت في ان أطلب من صديقي مجدي أن ياتي للدراسه معي ليشجعني . .

-       -واد يا مجدي . . أزيك يا تختخ

-       -مين عاطف ؟ . . فينك يا راجل ؟

-       -فينك اية ما انا كنت معاك اول امبارح يا جبان

-       -آآه صحيح . . يا سلام . . شايفك مقدرتش على بعدي

-       -لا و الله بس كنت عايزاك تيجي تدرس معايا كمبيوتر و انجليزي

-       -ليه يعني؟

-       -اهو تسليني

-       -ليه شايفني شامبنزي قدامك

-       -لأ شايفك غوريلا . . لخص . . حتيجي

-       -ماشي . . ماشي بس بشرط

-       -أأومر يا غوريلا

-       -تعزمني على وجبه كومبو

-      - دا هما 200 جنيه عُمي حسجل بيهم . . حتيجي تقولي كومبو . . لا خلاص . . خليك في بيتكوا لحد ما تخلل . . أنا قلت تيجي دة الكورس كله بنات . .

-       -صحيح . . خلاص جاي . .

-       -لا . . لا يا عم خلاص . .

-       -خلاص بقى يا عاطف . .

-       -ماشي . . ناس مبجيش غير بالعين الزرقاء

-       -أشمعنى الزرقاء يا عاطف هيا مش حمرا

-       -لأ عشان مبحبش اللون الأحمر

-       -أشوفك بعد ساعة في روكسي . . ماشي

-       -ماشي

لقد كان مجدي طيباً و صديقاً حميماً  ، و لقد كان محباً للأكل و ربما كان هذا سر تعرفي به .. فلقد تعرفنا ببعضنا عن طريق كيس شبسي . .

فانا أتذكر يومها منظره أمام كنتين الكليه ينظر إلي بعد أن أخذت أخر كيس شبسي بالشطة واللمون و الذي كان يعشقة . .

-       -بتبص للكيس كدة ليه

-       -عايز دة يا كابتن . . انا ممكن اديك ضعف تمنه

-       -لا . . لا . . و على اية حقسموا معاك و أمري لله . .

وبعد أن قمت بشرائه و دفع مجدي ثمنه . .  بدأنا نأكله سوياً . .

-       -أيه دة شطة و لمون ما بحبوش قوي

-       -أمال أشتريته لية

-       -أهو تجربة جديدة

-       -طب أسمحلي أعزمك أنا المرة دي على نوع تاني

-       -لا . . لا . . شكرا

-       -أرجوك انت عزمتني على دة يبقى لازم اعزمك

-       -مش لازم واحده بواحده يعني يا . . .

-       -مجدي . .

-       -عاطف

و من يومها و أنا أشتري و هو يدفع الثمن ، ماذا أقول أغدقت عليه من خير أفعالي . .

 كان مجدي طيباً جداً  ، ممتلئ الجسم ، ضخم الجثه ، أبيض او كما يقولون (شمعه) ، ليس له خبرة في الحياة غير لعب البلاستيشن و الذي كنت اهزمة فيه دائماً .

و من ضخامة جسم مجدي كان يخاف الناس منه خاصةً قصيري القامة ، ذو الجسم النحيل مثلي . فحين كان هو هضبة كبيرة أتخذتها كثيراً لتحميني من الشمس ، إلا ان علاقتنا كانت أضحوكة الكلية حتى لقبونا بالفيل و النملة  .

أذكر في يوم من الأيام كنا عائدين من الكلية ، ورأينا ولد وفتاة يمشيان أمامنا فأسرع مجدي الخطى لعله يسبقني في المشي فأعتقدا أنه يجري خلفهما فجريا خوفاً منه ، و جلست أنا أضحك من ذلك المنظر حتى أخذ مجدي مني موقفاً أنهيته بكيس شبسي بالشطة و الليمون .